Morchella elata / Karraspina
DESKRIBAPENA:
Ezaugarri nagusia txapela du, abaraska-formakoa baita, baita oina ere, garatxoz estalia. Osorik dago hutsa. Txapela konikoa da, eta kolore marroi grisaxka du. Guztiz hutsa da barrutik, eta goitik behera nerbiazio horizontalak dauzka, nerbiazio bertikalekin gurutzatuta eta albeolo zabalak osatuz. Himenioa albeoloen barrenaldean kokatua dago, eta albeoloak, berriz, albeolo txikiagoetan zatituak daude. Azken horiek marroiak dira. Oina zurixka, barren-hutsa eta zilindrikoa, zimurtsua. Haragia hauskorra, usain gozokoa, fruituaren usain atseginarekin, eta zapore suabearekin.
HABITATA:
Toki hezeetan agertzen da, materia organikoa ugaria den tokietan, baso hosotozabaletan batez ere, baina baita koniferoen azpian ere.
SUKALDEA:
Bikaina, karraspina gehienak bezala. Ez dira jan behar gutxi prestatuak edo gordinak, urdail-gorabehera alergikoak eragin ditzakete-eta. Presioko urarekin garbitu, oinak baztertu. ERNE: toxikotasuna kentzeko, presioko eltzean egosi, barazkiekin, 10 minutuz gutxienez.
KONTSERBAZIOA:
Kontserbatzeko, lehorrak gorde daitezke, edota gordinik nahiz galdarraztatu ondoren izoztuta.
