Hygrophorus penarius / Pagadi-ezko zuriska
DESKRIBAPENA:
Txapela ahurretik lautura, titia gordetzen duela, ertza kurbatu gabea. Kutikula lisoa, testura sendokoa, gogorra eta haragitsua, kolorez boli-zuria, erdialdea horixka. Xaflak dekurrenteak, lodiak, kolorez krema argiak. Oin altua, mardula, pikortsua goian, oso mehetua oinarrian, kolorez zuria. Haragi zuria, gogorra eta trinkoa. Fruitu-usaina. Intxaur-zapore gozoa. Espora zuriak.
HABITATA:
Biribil handietan hazten da, haritz- eta pago-basoetan. Kare-lurrak.
SUKALDEA:
Urria da, baina perretxikozaleak bila ibiltzen dira, bere generoko jakirik hoberena baita. Iberiar Penintsulako ipar-ekialdean hazten da batez ere, tradizio gastronomiko luzea du.
