Tricholoma portentosum / Ziza ilun-hankahoriska
DESKRIBAPENA:
10 cm-ko diametroko txapela, ahurra, ertza bildua duela gaztetan, gero irregularki uhindua. Kolore grisaxka du, kolore arre argira azkar igarotzen dena. Xaflak apur bat muxarkatuak, kolorez lilak ale gazteetan, geroago kolore arre argikoak. Oin laburra, apur bat lila goiko aldean, gainerakoa zurixka, trinkoa eta oinarrian loditua. Haragi lodia baina hauskorra, zurixka eta txapela baino grisagoa. Irin-usaina eta zaporea. Espora zuriak.
HABITATA:
Basapinua batez ere, baita hariztiak eta pagadiak ere.
SUKALDEA:
Bere tamaina handia dela-eta, jaki egokia da sukaldean nahiz mahaira ateratzeko. Izoztu daiteke. Su motelean eginda, gelatina botatzen du, kokotxen edo bakailaoaren moduan.
