Agrocybe aegerita / Makal-ziza
DESKRIBAPENA:
Txapel arre iluna, adinarekin argitzen dena. Azala uhindua. Xafla ilunak, buztin-koloreak. Oineko eraztuna iraunkorra. Haragi trinkoa, gustu handikoa, irin-usaina.
HABITATA:
Makalaldietan, sahastietan eta ibai-bazterreko beste zuhaitzetan bizi da parasito gisa. Talde estuetan agertzen da.
SUKALDEA:
Ale helduak baztertu, egur-zaporea izaten baitute. Luzaroan gisatu beharreko haragiekin prestatzea gomendatzen da, gutxi gisatuz gero gogorra gertatzen baita. Urte osoan lantzen eta merkaturatzen da, bere ezaugarri sendagarriengatik.
KONTSERBAZIOA:
Freskoa dagoela, oso egokia. Ozpinetan edo oliotan, oso egokia.