Amanita virosa / Hiltzaile konkorduna
DESKRIBAPENA:
Zuria, txapel konikoarekin, ertzak lobuludunak. Oineko bolba hauskorra, zaku formakoa. Haragiak usain kiratsa du, eta zaporea oso desatsegina. Espora zuriak.
HABITATA:
Baso hosto-erorkorrak. Espezie bakartia da, eta pagoen eta haritzen azpian agertzen da.
TOXIKOTASUNA:
Pozoidura faloidianoa eragiten du. Sintomak berandu agertzen dira, jan eta 8-48 ordura, eta horrek are larriagotzen du pozoidura, toxinak odolera iristen baitira, eta urdail-nahasmenduak eragiten dituzte, kolera-sintomak, gonbitoak, etab, eta hemorragia larriak nerbio-sisteman, gibelean eta giltzurrunetan. Badira gaur egun arrakasta izan ohi duten tratabideak, pozoidura garaiz detektatuz gero.
